Հարավաֆրիկյան Հանրապետության ազգային հավաքականը նվաճել է աշխարհի 2026թ. առաջնության ուղեգիր։

Հուգո Բրոսի գլխավորած թիմն աֆրիկյան գոտու ընտրական մրցաշարի D խմբի վերջին` 10-րդ տուրում սեփական դաշտում 3-0 հաշվով հաղթեց Ռուանդայի հավաքականին։

Հարավաֆրիկացիները միավորների քանակը հասցրին 18-ի և Նիգերիայի` Բենինի դեմ խաղում տարած հաղթանակից (4-0) հետո գրավեցին առաջին տեղը։

Նիգերիան 17 միավորով բարձրացավ երկրորդ տեղ ու պայքարը կշարունակի անցումային փլեյ-օֆֆում։ Բենինը, որը վերջին տուրից առաջ առաջին տեղում էր, նույնքան միավորով նահանջեց երրորդ տեղ` ավարտելով մրցելույթը։

ՀԱՀ-ը պատմության մեջ չորրորդ անգամ կմասնակցի աշխարհի առաջնությանը։

ԱԱ-2026, աֆրիկյան գոտու ընտրական մրցաշար, 10-րդ տուր

C խումբ

ՀԱՀ - Ռուանդա` 3-0 (տեսանյութ)

Թալենթե Մբաթա, 6, Օսվին Ապոլիս, 26, Էվիդենս Մակգոպա, 72

Նիգերիա - Բենին` 4-0 (տեսանյութ)

Վիկտոր Օսիմհեն, 3, 37, 51, Ֆրանկ Օնյեկա, 90+1