Անգլիական «Մանչեսթեր Սիթիի» նորվեգացի ռմբարկու Էրլինգ Հոլանդն անդրադարձել է մանչեսթերյան դերբիին, որն իր կարիերայում առաջինը կլինի:
«Անհամբեր սպասում եմ ինձ համար առաջին մանչեսթերյան դերբիին: Անհամբեր սպասում եմ նրանց մեր մարզադաշտում հանդիպելուն:
Կարծում եմ՝ «Մանչեսթեր Սիթիում» այս հանդիպմանը պատրաստ են բոլորը, այդ թվում՝ հարձակման գծի խաղացողները»,- 22-ամյա հարձակվողի խոսքը մեջբերում է լրագրող Յոնաս Բերգ-Յոնսենը:
Հիշեցնենք, որ «Մանչեսթեր Սիթի» - «Մանչեսթեր Յունայթեդ» Պրեմիեր լիգայի 9-րդ տուրի հանդիպումը տեղի կունենա հոկտեմբերի 2-ին, մեկնարկը՝ Երևանի ժամանակով 17:00-ին:
Հոլանդն Անգլիայի գործող չեմպիոնի կազմում ընթացիկ մրցաշրջանում բոլոր մրցաշարերում անցկացրած 10 խաղում խփել է 14 գոլ և կատարել 1 գոլային փոխանցում:
