Միջին քաշային կարգում հայ պրոֆեսիոնալ բռնցքամարտիկ Գոռ Երիցյանն իր 14-րդ անընդմեջ հաղթանակն է տարել պրոֆեսիոնալ ռինգում, տեղեկացնում է Punch Boxing Armenia-ի ֆեյսբուքյան էջը:
Լոս Անջելեսում կայացած բռնցքամարտի շոուի ընթացքում՝ Punch Boxing Promotion-ի կազմակերպած մենամարտում Երիցյանը ժամանակից շուտ վճռել է մենամարտի ելքը՝ 6-րդ ռաունդում նոկաուտի ենթարկելով 31-ամյա մեքսիկացի Մահորնի Մոնտեսին:
Այս հաղթանակով Երիցյանը շարունակում է իր անպարտելիության շարքը:
