Անգլիայի չեմպիոն «Մանչեսթեր Սիթիի» գլխավոր մարզիչ Խոսեպ Գվարդիոլան պատասխանել է քննդատների մեղադրանքներին:
«Հիմա էլ մեզ մեղադրում են, որ մեր հաղթանակների պատճառով Պրեմիեր լիգան ձանձրալի է դարձել: Առաջ ասում էին իբր փողի շնորհիվ ենք հաղթում: Եթե պատճառը դա լիներ, «Մանչեսթեր Յունայթեդը» կնվաճեր բոլոր տիտղոսները: Հետո հերթը կհասներ «Չելսիին»: Երրորդը կլիներ «Արսենալը»:
Նախորդ 5-6 տարում այդ ակումբներն ավելի շատ գումար են ծախսել, քան «Սիթին»»,- կատալոնացու խոսքը մեջբերում է Independent-ը:
Հիշեցնենք, որ եթե «Մանչեսթեր Սիթին» հաղթի Անգլիայի առաջնության վերջին 2 խաղերում, 4-րդ տարին անընդմեջ կդառնա Պրեմիեր լիգայի չեմպիոն:
