Անգլիայի գործող չեմպիոն «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան հայտնել է իր դիրքորոշումը բրիտանացի երկրպագուների ստորագրահավաքի վերաբերյալ:
Հիշեցնենք, որ Անգլիայում երկրպագուները կատակով ստորագրահավաք էին սկսել՝ մանչեսթերյան ակումբի նորվեգացի հարձակվող էռլինգ Հոլանդին Պրեմիեր լիգայից հեռացնելու պահանջով:
«Իմ մտքե՞րը այդ ամենի վերաբերյալ... կարծում եմ՝ զվարճալի կատակ է»,- 51-ամյա մարզչի խոսքը փոխանցում է Goal-ը:
Հիշեցնենք, որ Հոլանդը «Մանչեսթեր Սիթիի» շարքերը համալրել էր ամռանը՝ տեղափոխվելով Դորտմունդի «Բորուսիայից»: Գործարքի արժեքը կազմել էր 60 միլիոն եվրո:
Անգլիայի ընթացիկ առաջնությունում 22-ամյա ռմբարկուն անցկացրել է 8 խաղ, խփել 14 գոլ ու կատարել 3 ասիստ:
