«Աթլետիկոյի» ֆրանսիացի հարձակվող Անտուան Գրիզմանը կրկին մադրիդյան ակումբում կխաղա «7» համարի մարզաշապիկով, հայտնում է ակումբի պաշտոնական կայքը:
32-ամյա ֆուտբոլիստն իսպանական գրանդ վերադառնալուց հետո նախորդ երկու մրցաշրջաններում խաղացել էր «8» համարի մարզաշապիկով: Ֆրանսիայի հավաքականի ֆուտբոլիստն «Աթլետիկոյում» «7» համարի մարզաշապիկով խաղացել էր նաև 2014-2019 թվականներին:
Մինչև այս «Աթլետիկոյում» «7» համարը պատկանում էր պորտուգալացի հարձակվող Ժոաու Ֆելիշին, որն ավարտված մրցաշրջանի երկրորդ հատվածը վարձավճարով Լոնդոնի «Չելսիում» անցկացնելուց հետո վերադարձել է ակումբ: Ավելի վաղ հաղորդվում էր, որ 23-ամյա ֆուտբոլիստը կտեղափոխվի ֆրանսիական ՊՍԺ:
