Մադրիդի «Աթլետիկոյի» ֆրանսիացի հարձակվող Անտուան Գրիզմանը հայտարարել է, որ եվրոպական այլ ակումբ տեղափոխվելու ցանկություն չունի:
«Ես ցանկանում եմ, որ «Աթլետիկոն» լինի իմ վերջին ակումբը Եվրոպայում: Հետո կարող եմ վայելել ֆուտբոլն այլ վայրերում:
Այստեղ խաղալու ցանկություն ունեմ, ընդ որում՝ այն մակարդակի վրա եմ, որն անհրաժեշտ է թիմին։
Տեսնենք՝ ինձ հնարավորություն կտա՞ն այստեղ շարունակելու, քանի որ շատ լավ խաղացողներ են թիմում: Տեսնենք, թե ինչպես կզարգանան իրադարձությունները մրցաշրջանի ընթացքում»,- Գրիզմանի խոսքը մեջբերում է Atletico Universe-ը:
32-ամյա Գրիզմանը Լա լիգայի ընթացիկ մրցաշրջանում մասնակցել է 15 խաղի, որոնցում խփել է 9 գոլ, կատարել 2 գոլային փոխանցում:
