NBA-ի գործող չեմպիոն «Գոլդեն Սթեյթ Ուորիորզը» թիմից չի հեռացնի ամերիկացի բասկետբոլիստ Դրեյմոնդ Գրինին, որը մարզման ժամանակ կռվել էր թիմակից Ջորդան Պուլի հետ, հայտնում է ինսայդեր Շեմս Չարանիան:

Գրինը հոկտեմբերի 13-ին կվերադառնա «Գոլդեն Սթեյթի» մարզումներին, հայտնել է գլխավոր մարզիչ Սթիվ Քերը։

Սպասվում է, որ Գրինը կմասնակցի «Դենվեր Նագեթսի» դեմ նախամրցաշրջանային և «Լոս Անջելես Լեյքերսի» դեմ NBA-ի կանոնավոր առաջնության նոր մրցաշրջանի մեկնարկային տուրի խաղերին: