Մադրիդի «Ռեալի» կիսապաշտպան Ջուդ Բելինգեմը հաղթել է աշխարհի լավագույն երիտասարդ ֆուտբոլիստի՝ Golden Boy մրցանակը:
Marca-ին հայտնի է դարձել, որ անգլիացին հսկայական առավելությամբ առաջին տեղն է գրավել Tuttosport-ի անցկացրած քվեարկությունում, որին մասնակցում են աշխարհի առաջատար մարզական լրատվամիջոցները:
20-ամյա ֆուտբոլիստը մրցանակը կստանա դեկտեմբերի 4-ին: Նախորդ երկու տարիներին նա երկրորդ տեղն է գրավել՝ զիջելով «Բարսելոնայի» կիսապաշտպաններ Պեդրիին և Գավիին:
Բելինգեմը կդառնա «Ռեալի» պատմության առաջին ֆուտբոլիստը, որն արժանանում է Golden Boy-ին:
Սպասվում է, որ հոկտեմբերի 20-ին «Ոսկե գնդակի» մրցանակաբաշխության ժամանակ անգլիացին «Ֆրանս ֆուտբոլի» կողմից կստանա նաև Ռայմոն Կոպայի անվան լավագույն երիտասարդ ֆուտբոլիստի մրցանակը:
