Մադրիդի «Ռեալի» դարպասապահ Տիբո Կուրտուան նշել է, որ թիմի նորեկ Տրենտ Ալեքսանդր-Առնոլդը դարձել է իր «մղձավանջը»:
«Մարզումների ժամանակ նրա հարվածները, տուգանայիններն ու անկյունայիններն անհավանական են։ Ես նման մակարդակի հարվածներ ու օդային փոխանցումներ չեմ տեսել։
Որպես դարպասապահ` կարող եմ ասել, որ նա ինձ համար «մղձավանջ» է։ Տրենտը քեզ զգոն է պահում և ստիպում աշխատել քրտնաջան` գնդակը հետ մղելու համար։ Նա մեզ ստիպում է կատարելագործվել»,- ասել է բելգիացի դարպասապահը, որի խոսքը մեջբերում է Goal-ը։
Տրենտ Ալեքսանդր-Առնոլդը հունիսին է 10 միլիոն եվրոյով «Լիվերպուլից» տեղափոխվել «Ռեալ»։
