Բրիտանական Goal.com-ը թարմացրել է «Ոսկե գնդակի» թեկնածուների ցուցակը: Աշխարհի լավագույն ֆուտբոլիստին տրվող մրցանակի այս տարվա գլխավոր հավակնորդը ֆրանսիական ՊՍԺ-ին հրաժեշտ տված արգենտինացի հարձակվող Լիոնել Մեսին է:
36-ամյա ֆուտբոլիստը նախորդ տարվա դեկտեմբերին Արգենտինայի հավաքականի կազմում դարձել էր աշխարհի չեմպիոն, իսկ ավարտված մրցաշրջանում փարիզյան ակումբի կազմում հետ տարին անընդմեջ նվաճել էր Լիգա 1-ի չեմպիոնական տիտղոսը:
«Ոսկե գնդակի» 7-ակի դափնեկիրը հուլիսին ազատ գործակալի կարգավիճակում կտեղափոխվի ամերիկյան «Ինտեր Մայամի»:
«Ոսկե գնդակի» հավակնորդների տասնյակը՝ ըստ Goal.com-ի
- 1. Լիոնել Մեսի (ՊՍԺ/«Ինտեր Մայամի», Արգենտինա)
- 2. Էրլինգ Հոլանդ («Մանչեսթեր Սիթի», Նորվեգիա)
- 3. Կիլիան Մբապե (ՊՍԺ, Ֆրանսիա)
- 4. Վինիսիուս («Ռեալ», Բրազիլիա)
- 5. Կևին Դե Բրույնե («Մանչեսթեր Սիթի», Բելգիա)
- 6. Ռոդրի («Մանչեսթեր Սիթի», Իսպանիա)
- 7. Իլկայ Գյունդոգան («Մանչեսթեր Սիթի»/«Բարսելոնա», Գերմանիա)
- 8. Վիկտոր Օսիմհեն («Նապոլի», Նիգերիա)
- 9. Ռոբերտ Լևանդովսկի («Բարսելոնա», Լեհաստան)
- 10. Խուլիան Ալվարես («Մանչեսթեր Սիթի», Արգենտինա)
Հիշեցնենք, որ «Ոսկե գնդակի» գործող դափնեկիրը ֆրանսիացի հարձակվող Կարիմ Բենզեման է, որը 2022/2023 մրցաշրջանի ավարտից հետո հեռացել էր Մադրիդի «Ռեալից» և ազատ գործակալի կարգավիճակում համալրել Սաուդյան Արաբիայի նորընծա չեմպիոն «Ալ Իթիհադի» կազմը:
