WTA-ի տարվա Ամփոփիչ մրցաշարում հաղթած, աշխարհի 6-րդ ռակետ Ելենա Ռիբակինային Ղազախստանի նախագահը պարգևատրել է Բարիսի 3-րդ աստիճանի շքանշանով, հաղորդում է Ղազախստանի կառավարության մամուլի ծառայությունը:
«Դուք ցուցաբերեցիք բացառիկ հմտություն և անսասան կամք՝ հաղթելու այս հեղինակավոր մրցաշարը, որը, ըստ էության, ամփոփում է թենիսի տարին։
Ես իմ անկեղծ երախտագիտությունն ու սրտանց շնորհավորանքներն եմ հայտնում այս հիանալի նվաճման կապակցությամբ, որը կմնա ղազախական և համաշխարհային թենիսի պատմության մեջ։
Այս մարզական հաղթանակի կապակցությամբ և թենիսի զարգացման ու մեր երկրում դրա մասսայականացման գործում Ձեր նշանակալի ներդրման ճանաչման համար ես ստորագրել եմ հրամանագիր՝ Ձեզ պարգևատրելով Բարիսի 3-րդ աստիճանի շքանշանով։
Մաղթում եմ Ձեզ բարեկեցություն, քաջառողջություն և նոր մարզական նվաճումներ՝ ի շահ Ղազախստանի Հանրապետության»,- հայտարարել է Կասիմ-Ժոմարտ Տոկաևը:
Հիշեցնենք, որ Ռիադում կայացած մրցաշարի եզրափակիչում Ղազախստանը ներկայացնող ռուս թենիսիստուհին հաղթել էր աշխարհի առաջին ռակետ Արինա Սաբալենկային:
