Բասկետբոլի Գերմանիայի հավաքականն իր պատմության մեջ առաջին անգամ հռչակվեց աշխարհի չեմպիոն:

Ֆիլիպիններում անցկացված եզրափակիչում գերմանացիները 83-77 (23-26, 24-21, 22-10, 14-20) հաշվով հաղթեցին Սերբիայի հավաքականին:

Խաղում ամենաշատ միավորը վաստակեց «Լոս Անջելես Լեյքերսի» պաշտպան Դենիս Շրյոդերը (28 միավոր): Սերբիայից ամենաարդյունավետը «Պարտիզանի» պաշտպան Ալեքսա Ավրամովիչն էր, որը վաստակեց 21 միավոր:

Գերմանացիները հաղթանակով ավարտեցին բոլոր 8 հանդիպումները, իսկ սերբերը մինչև եզրափակիչը մեկ պարտություն էին կրել Իտալիայի հավաքականից:

Հիշեցնենք, որ երրորդ տեղի համար խաղում Կանադայի հավաքականը հաղթել էր ԱՄՆ-ի թիմին:

Մինչև այս Գերմանիայի հավաքականին հաջողվել էր նվաճել միայն բրոնզե մեդալ (2002 թվական): 

CHAMPIONS OF THE WORLD AND NO ONE CAN TAKE THAT AWAY 🏆#FIBAWC x #WinForAll pic.twitter.com/NhM1pfeyNj

— FIBA Basketball World Cup 2023 🏆 (@FIBAWC) September 10, 2023