NBA-ի կրկնակի լավագույն մարզիչ ճանաչված Մայք Դ՛Անտոնին միացել է «Նյու Օրլեանում» Ուիլի Գրինի շտաբին: Նա կկատարի խորհրդականի պարտականություն:

Ամերիկացի մասնագետը վերջին անգամ գլխավոր մարզիչ է աշխատել 2019-20 մրցաշրջանում, երբ նրա «Հյուսթոնը» փեյ-օֆֆում պարտվեց ապագա չեմպիոն «Լեյքերսին»:

Հաջորդ տարի Մայքը ընդգրկված էր «Բրուքլին Նեթսի» մարզչական շտաբում: Իսկ դրանից հետո դադարեցրել էր մարզչական գործունեությունը:

Դ՛Անտոնին հայտնի է գերհարձակողական, արագ և արդյունավետ բասկետբոլ դավանելով: