«Ատալանտայի» գլխավոր մարզիչ Ջան Պիերո Գասպերինին Բերգամոյի ակումբի հետ նոր պայմանագիր չի կնքի, հաղորդում է Sky Sport Italia-ն: Իտալացի մասնագետը 2016 թվականից է գլխավորում «Ատալանտան», գործող պայմանագրի ժամկետը կավարտվի 2026 թվականի հուլիսի 1-ին:

«Ամեն ինչ ունի սկիզբ և վերջ: Մրցաշրջանի վերջում կհասկանանք` կմնամ մինչև ժամկետի ավարտը, թե կհեռանամ։ Նոր պայմանագիր չեմ կնքի»,- ասել է 67-ամյա մասնագետը:

«Ատալանտան» Ա սերիայում 25 խաղից հետո 51 միավորով երրորդ տեղում է: