NBA-ի նախկին չեմպիոն և ամենաարժեքավոր բասկետբոլիստ Քևին Գարնետն իր պոդքաստի ժամանակ հայտարարել է, որ տպավորված է Վիկտոր Վեմբանյամայի խաղով:

««Սան Անտոնիոն» պարտավոր է փլեյ-օֆֆ դուրս գալ: 3 րոպեն ինձ բավական էր Վեմբանյամայի խաղամակարդակը հասկանալու համար»,- ասել է ամերիկացին:

Գարնետի նախկին խաղընկեր Փոլ Փիրսը նույնպես ներկա է եղել պոդքասթին և 19-ամյա ֆրանսիացուն ընդգրկել է NBA-ում ամենակատարյալ բասկետբոլիստների հնգյակում:

Դրաֆտի առաջին համարի նորամուտը NBA-ում կկայանա հոկտեմբերի 26-ին՝ «Դալաս Մավերիկսի» դեմ տեխասյան դերբիում: