ՊՍԺ-ի նորանշանակ գլխավոր մարզիչ Քրիստոֆ Գալտյեն խոսել է Նեյմարի ապագայի վերաբերյալ:
«Ցանկանում եմ, որ Նեյմարը մնա, սակայն ստեղծված իրավիճակում կան բաներ, որոնք չեմ կարող վերահսկել»,- L’Equipe-ին տված հարցազրույցում ասել է ֆրանսիացի մասնագետը:
Ավելի վաղ մամուլում տեղեկություն էր շրջանառվում, որ փարիզյան ակումբը մտադիր է ազատվել բրազիլացուց:
Նեյմարի գործող պայմանագիրն ուժի մեջ է մինչև 2025 թվականի հունիսի 30-ը:
2021/22 մրցաշրջանում ՊՍԺ-ի կազմում 30-ամյա վինգերն անցկացրել է 28 հանդիպում, խփել 13 գոլ ու կատարել 8 ասիստ:
