Անգլիայի Պրեմիեր լիգայի 7-րդ տուրում «Չելսին» լոնդոնյան դերբիում 2-0 հաշվով հաղթեց «Ֆուլհեմին»։
«Չելսիի» կազմում ամբողջ հանդիպմանը մասնակցեց 23-ամյա կիսապաշտպան Քոնոր Գալահերը, որը երրորդ անգամ անընդմեջ կրում էր թիմի ավագի թևկապը։ Խաղից հետո Գալահերը Sky Sports-ի հետ զրույցում կիսվել է տպավորություններով։
«Միանշանակ հպարտանալու առիթ է «Չելսիի» կազմում ավագի թևկապով խաղադաշտ դուրս գալը։ Սա իմ ընտանիքն է, որին ես երկրպագել եմ ամբողջ կյանքում։ Ցանկանում եմ շարունակել նույն կերպ»,- նշել է կիսապաշտպանը։
Գալահերը «Չելսիի» սան է, իսկ ակումբի գլխավոր թիմում բոլոր մրցաշարերը ներառյալ մասնակցել է 54 հանդիպման, խփել երեք գոլ և կատարել մեկ գոլային փոխանցում։
