Պրոֆեսիոնալ բռնցքամարտի գերծանր քաշային կարգում աշխարհի նախկին չեմպիոն Թայսոն Ֆյուրին սկսել է WBA, WBO և IBF գոտիների տիրակալ, ուկրաինացի Ալեքսանդր Ուսիկի դեմ ռևանշ մենամարտի նախապատրաստությունը:
«Գնչուական արքան վերադառնում է: Մարզական ճամբար Մալթայում: Գնացինք»,- սոցցանցերում տեղադրած լուսանկարի տակ գրել է 36-ամյա բրիտանացի բռնցքամարտիկը:
Հիշեցնենք, որ Ալեքսանդր Ուսիկը Սաուդյան Արաբիայի մայրաքաղաք Էր Ռիյադում անցկացրած մենամարտում հաղթել էր Թայսոն Ֆյուրիին՝ նրանից վերցնելով նաև WBC չեմպիոնական գոտին: 12-ռաունդանոց մենամարտի ավարտից հետո մրցավարները ոչ միաձայն որոշմամբ հաղթանակը շնորհել էին 37-ամյա ուկրաինացուն:
Ալեքսանդր Ուսիկի ու Թայսոն Ֆյուրիի ռևանշ մենամարտը կկայանա դեկտեմբերի 21-ին:
