Ֆուտզալի Հայաստանի ազգային հավաքականը պայքարն է սկսում ՈՒԵՖԱ-ի Եվրո-2026-ի որակավորման հիմնական փուլում։

Ռուբեն Նազարեթյանի գլխավորած թիմն ընդգրկված է 6-րդ խմբում և առաջին խաղում դեկտեմբերի 14-ին Երևանում ընդունելու է Դանիայի հավաքականին, իսկ չորս օր անց հյուրընկալվելիս մրցելու է Ղազախստանի դեմ։ Հայաստանի հավաքականի մրցակիցներից է լինելու նաև Ալբանիայի թիմը։

Խմբերում առաջին տեղը գրաված 10 հավաքականներ նվաճեկու են Եվրոպայի առաջնության ուղեգիր, որոնց կմիանան նաև մրցաշարն ընդունող Լիտվայի ու Լատվիայի հավաքականները։ Հիմնական փուլում երկրորդ տեղը զբաղեցրած լավագույն 8 հավաքականներն էլ պայքարը շարունակելու են փլեյ-օֆֆում ու խաղարկելու են ևս չորս ուղեգիր։ Եվրո-2026-ի եզրափակիչ հատվածը կայանալու է 2026 թ. հունվարի 18-ից փետրվարի 8-ը։

Հայաստանի հավաքականն առաջիկա խաղերին մասնակցելու է հետևյալ կազմով.

Դարպասապահներ

Ալբերտ Աղաջանով - ՏԶՄՍ Տուլա (Ռուսաստան)

Արթուր Մկրտչյան – «Երևան»

Էմին Ղարաբեկյանց – «Յունիսպորտ»

Խաղացողներ

Վլադիմիր Սանոսյան – «Նորիլսկի Նիկել» (Ռուսաստան)

Արթուր Մելքոնյան – «Լ․Կ․Ս․ Լիպեցկ» (Ռուսաստան)

Դենիս Նեվեդրով – «Տյումեն» (Ռուսաստան)

Միքայել Ղանդիլյան – «Էիր-Աերո» (Ռուսաստան)

Արսեն Պետրոսով – «Տորպեդո» (Ռուսաստան)

Ռաֆիկ Մելիքյան – «Ակտոբե» (Ղազախստան)

Սարգիս Մարգարյան – «Յունիսպորտ»

Գարեգին Մաշումյան – «Երևան»

Արթուր Պատատյան – «Երևան»

Միհրան Դերմենջյան – «Երևան»

Կարեն Խատուև – «Երևան»

Աղասի Եղիազարյան – «Երևան»

Համլետ Մանուկյան – «Յունիսպորտ»

Արամ Սարգսյան – «Երևան»

Հայաստան - Դանիա հանդիպումը Երևանի ժամանակով մեկնարկելու է 17:00-ին և լինելու է Fast Sports-ի ուղիղ եթերում։