Ֆուտզալի Հայաստանի ազգային հավաքականը հունվարի 25-ից փետրվարի 1-ը մարզական հավաք կանցկացնի ՀՖՖ Տեխնիկական կենտրոն/Ֆուտբոլի ակադեմիայում և կպատրաստվի Ալբանիայի թիմի դեմ Եվրոպայի 2026թ. առաջնության որակավորման հիմնական փուլի 6-րդ խմբի հանդիպումներին, հայտնում է ՀՖՖ պաշտոնական կայքը։

Մարզական հավաքին մասնակցելու համար գլխավոր մարզիչ Ռուբեն Նազարեթյանը հրավիրել է հետևյալ ֆուտզալիստներին.

Դարպասապահներ

Ալբերտ Աղաջանով - ՏԶՄՍ Տուլա (Ռուսաստան),

Էմին Ղարաբեկյանց – «Յունիսպորտ»,

Արթուր Մկրտչյան – «Երևան»,

Սուրեն Ղազարյան - «Երևան»։

Խաղացողներ

Վլադիմիր Սանոսյան – «Նորիլսկի Նիկել» (Ռուսաստան),

Արթուր Մելքոնյան – «Լ․Կ․Ս․ Լիպեցկ» (Ռուսաստան),

Դենիս Նեվեդրով – «Տյումեն» (Ռուսաստան),

Նիկիտա Խրոմիխ — «Տորպեդո» (Ռուսաստան),

Արսեն Պետրոսով – «Տորպեդո» (Ռուսաստան),

Միքայել Ղանդիլյան – «Իր-Աերո» (Ռուսաստան),

Ռաֆիկ Մելիքյան – «Երևան»,

Գարեգին Մաշումյան – «Երևան»,

Արթուր Պատատյան – «Երևան»,

Միհրան Դերմենջյան – «Երևան»,

Կարեն Խատուև – «Երևան»,

Աղասի Եղիազարյան – «Երևան»,

Համլետ Մանուկյան – «Յունիսպորտ»,

Սարգիս Մարգարյան – «Յունիսպորտ»։

Առաջին հանդիպումը կկայանա փետրվարի 1-ին Երևանում,  կմեկնարկի 17:00-ին և կլինի Fast Sports-ի ուղիղ եթերում։ Հավաքականները ևս մեկ հանդիպում կանցկացնեն փետրվարի 5-ին Ալբանիայում։

Հայաստանի հավաքականը Եվրո-2026-ի որակավորման հիմնական փուլի մեկնարկային երկու խաղում վաստակել է 4 միավոր և Ղազախստանի թիմի հետ գլխավորում է 6-րդ խմբի մրցաշարային աղյուսակը։ Խմբում ընդգրկված է նաև Դանիայի հավաքականը։