Ֆուտզալի Չեմպիոնների լիգայի խմբային փուլի երկրորդ տուրում Հայաստանի չեմպիոն «Երևանը» 3-2 հաշվով հաղթեց Անդորրան ներկայացնող «Էնկամպին»:
Հայկական թիմից գոլ խփեցին Կարեն Խուտաևը, Կարեն Մուրադյանը և Աղասի Եղիազարյանը, որը նաև կարմիր քարտ ստացավ:
«Երևանն» A խմբի առաջին տուրում 1-3 հաշվով պարտվել էր «Մուրատա ֆուտզալին»: Վերջին տուրում Հայաստանի չեմպիոնի մրցակիցը կլինի հյուսիսմակեդոնական «Ֆորսան»: Հաղթանակի դեպքում «Երևանը» կարող է դուրս գալ հաջորդ փուլ:
