ՈւԵՖԱ-ն 156%-ով ավելացրել է ֆուտբոլի կանանց Եվրոպայի առաջնության մրցանակային ֆոնդը, հայտնում է կազմակերպության մամուլի ծառայությունը։

Համապատասխան որոշումն ընդունվել է դեկտեմբերի 16-ին Լոզանում կայացած ՈւԵՖԱ-ի գործադիր կոմիտեի նիստին:

Եվրո-2025-ի մրցանակային ֆոնդը կկազմի 41 միլիոն եվրո։ Երեք տարի առաջ կայացած Եվրո-ում մրցանակային ֆոնդը 16 միլիոն էր:

Մրցաշարին մասնակցելու համար հավաքականների մրցանակային գումարը կկազմի 1,8 միլիոն եվրո (600 հազարի փոխարեն): Եվրո-2025-ը կանցկացվի Շվեյցարիայում: