Երևանի «Արարատը» պայմանագիր է ստորագրել ֆրանսիացի կենտրոնական կիսապաշտպան Կլեման Լերնոյի հետ, հաղորդում է ակումբի մամուլի ծառայությունը։
20-ամյա ֆուտբոլիստն «Արարատ» է տեղափոխվել ֆրանսիական «Նանսի» ակումբից, որի երկրորդ թիմի կազմում անցկացրած 40 խաղում դարձել է 9 գոլի և 4 գոլային փոխանցման հեղինակ:
Լերնոն նաև 7 հանդիպում է անցկացրել Ֆրանսիայի մինչև 16 տարեկանների հավաքականի կազմում: «Արարատում» նա կխաղա 8 համարի մարզաշապիկով:
