Ֆրանսիայի չեմպիոն ՊՍԺ-ի հարձակվող Ռանդալ Կոլո Մուանին կարիերան կշարունակի Թուրինի «Յուվենտուսում», հաստատել է իտալական գրանդի գլխավոր մարզիչ Տիագո Մոտան:

«Ես շատ գոհ եմ սպասվող գործարքից: Մենք սպասում ենք գործարքի պաշտոնական հաստատմանը։ Երբ փաստաթղթերը կարգին լինեն, նա կկարողանա մասնակցել հանդիպումներին»,- Մոտայի խոսքը մեջբերում է ակումբի մամուլի ծառայությունը:

26-ամյա Կոլո Մուանին ընթացիկ մրցաշրջանում Լիգա 1-ի 10 խաղում խփել է երկու գոլ, կատարել մեկ գոլային փոխանցում։