Ֆրանսիական ամենահեղինակավոր պարբերականներից L’Équipe-ը Փարիզի ՊՍԺ-ի հարձակվող Կիլիան Մբապեին հրաժեշտ է տվել իսպաներենով.

«Մինչև նոր հանդիպում և շնորհակալություն»,- գրված է պարբերականի հերթական համարի շապիկին։

Հիշեցնենք` մայիսի 10-ին 25-ամյա Մբապեն տեսաուղերձով պաշտոնապես հայտարարել էր, որ չի երկարաձգելու պայմանագիրը «Պարի Սեն-Ժերմենի» հետ և 2023/24 մրցաշրջանի ավարտին ազատ գործակալի կարգավիճակում կհեռանա ակումբից։ Ֆրանսիայի հավաքականի ավագը, ամենայն հավանականությամբ, կարիերան կշարունակի Մադրիդի «Ռեալի» կազմում։ Նա ՊՍԺ-ի պատմության լավագույն ռմբարկուն է։