«Էվերթոնի» նոր գլխավոր մարզիչ է նշանակվել անգլիացի նախկին ֆուտբոլիստ Ֆրենկ Լեմպարդը՝ հայտնում է լիվերպուլյան ակումբի մամուլի ծառայությունը: Լեմպարդն «Էվերթոնի» հետ 2,5 տարվա պայմանագիր է կնքել, որը ուժի մեջ կլինի մինչև 2024 թվականի ամառ։
Welcome to Everton Football Club, Frank Lampard! 🔵 pic.twitter.com/LuGqBCrrE7
— Everton (@Everton) January 31, 2022
Հիշեցնենք, որ ֆուտբոլիստի կարիերան ավարտելուց հետո Լեմպարդը որպես մարզիչ աշխատել է «Դերբի Քաունթիում»: Ավելի ուշ նա գլխավորել է Լոնդոնի «Չելսին», սակայն 2021 թվականի հունվարին մասնագետը հեռացվել է աշխատանքից:
«Չելսիի» գլխավոր մարզչի պաշտոնից հեռացվելուց հետո Ֆրենկ Լեմպարդը գործազուրկ էր։
«Էվերթոնը» վերջերս գլխավոր մարզչի պաշտոնից հեռացրեց Ռաֆայել Բենիտեսին: Այս պահին մերսիսայդցիները Պրեմիեր լիգայի մրցաշարային աղյուսակում զբաղեցնում են 16-րդ հորիզոնականը։
