Logo

Պերես. «ԱԱԱ-ն նույնքան լուրջ մրցաշար է, որքան Չեմպիոնների լիգան»

18:12 / 04.07.2025• Ֆուտբոլ
null

Մադրիդի «Ռեալը» 1 միլիոն եվրո պարգևավճար կտա ֆուտբոլիստներին, եթե թիմը նվաճի աշխարհի ակումբային առաջնության չեմպիոնական տիտղոսը, հայտնում է As-ը:

«Արքայական ակումբի» ղեկավարությունը մրցաշարը ռազմավարական է համարում և այն հաղթելու առաջադրանք է սահմանել: Մեկ միլիոն եվրո պարգևավճարն ամենախոշորը կլինի նման կարճ մրցաշարի համար:

Ակումբի նախագահ Ֆլորենտինո Պերեսը հայտարարել է, որ աշխարհի ակումբային առաջնությունը պետք չէ դիտարկել որպես մինչմրցաշրջանային նախապատրաստական փուլ: «Աշխարհի ակումբային առաջնությունը նույնքան լուրջ մրցաշար է, որքան Չեմպիոնների լիգան»,- ասել է Պերեսը:

Իսպանական գրանդը նմանատիպ բոնուսներ ֆուտբոլիստներին վճարել է նաև Չեմպիոնների լիգան հաղթելու ժամանակ:

Մրցաշարը հաջող անցկացնելու և եզրափակիչում հաղթելու համար «Ռեալը» կարող է գրանցել մոտավորապես 140 միլիոն եվրո եկամուտ:

Մեզ կարող եք հետևել նաև Telegram-ում
fastnews-ads-banner

Հարցում

TV Ալիք

    Աղյուսակներ