«Բարսելոնան» հետաքրքրված է «Բավարիայի» կիսապաշտպան Ջամալ Մուսիալայի ծառայություններով, գրում է Sport-ը:
«Կապտանռնագույնների» գլխավոր մարզիչ Հանսի Ֆլիկը երազում է 21-ամյա ֆուտբոլիստին իր թիմում տեսնելու մասին: Մուսիալան հենց Ֆլիկի օրոք է նորամուտը նշել Բունդեսլիգայում: Ֆուտբոլիստին նույնպես գրավում է կատալոնական թիմում խաղալու հնարավորությունը, քանի որ նա մանկուց Լիոնել Մեսիի երկրպագու է:
Հնարավոր գործարքի գլխավոր խոչընդոտը Մուսիալայի տրանսֆերային արժեքն է, խնդիր է նաև ֆուտբոլիստի բարձր աշխատավարձը: Մուսիալայի պայմանագրի ժամկետը «Բավարիայի» հետ գործում է մինչև 2026 թվականի հունիսի 30-ը ներառյալ: