ՖԻՖԱ-ն որակազրկելու է անգլիական «Ասթոն Վիլայի» և Արգենտինայի ազգային հավաքականի դարպասապահ Էմիլիանո Մարտինեսին, հայտնում է ինսայդեր Ֆաբրիցիո Ռոմանոն։

Աշխարհի 2026 թ. առաջնության Հարավային ամերիկայի գոտու որակավորման փուլի 8-րդ տուրում Արգենտինայի հավաքականը 1-2 հաշվով պարտվել էր Կոլումբիային։ Հանդիպումից հետո 32-ամյա դարպասապահը հարվածել էր օպերատորներից մեկի տեսախցիկին։ Դա չի վրիպել չիլիացի գլխավոր մրցավար Պիերո Մասայի աչքից, և դրվագը ներառել է հանդիպման արձանագության մեջ։

Մարտինեսը ոչ սպորտային պահվածքի պատճառով որակազրկվելու է երկու խաղով և բաց թողնի ԱԱ-2026-ի որակավորման փուլի հաջորդ հանդիպումները։ Աշխարհի գործող չեմպիոն Արգենտինան հոկտեմբերի 11-ին հյուրընկալվելու է Վենեսուելային, իսկ 5 օր անց Բուենոս Այրեսում ընդունելու է Բոլիվիայի հավաքականին։