ՖԻՖԱ-ն իր պաշտոնական կայքում թարմացրել է տղամարդկանց ազգային հավաքականների դասակարգման վարկանիշային աղյուսակը:
Հայաստանի հավաքականը, որը Ազգերի լիգայի անցումային փլեյ-օֆֆում 2 պարտություն կրեց Վրաստանի հավաքականից, նահանջել է աղյուսակում 2 հորիզոնականով ու այժմ զբաղեցնում է 102-րդ տեղը:
Լավագույն տասնյակում 2 փոփոխություն է տեղի ունեցել: Իսպանիայի հավաքականը շրջանցել է Ֆրանսիային ու այժմ 2-րդն է, Նիդերլանդների հավաքականն էլ առաջ է անցել Պորտուգալիայից և զբաղեցնում է 6-րդ տեղը:
