Շախմատի միջազգային ֆեդերացիայի (ՖԻԴԵ) Գլխավոր ասամբլեան թույլ է տվել Ռուսաստանի ու Բելառուսի մինչև 12 տարեկան և հաշմանդամություն ունեցող շախմատիստներին մասնակցել միջազգային թիմային մրցաշարերի, հայտնում է կառույցի մամուլի ծառայությունը:
Գլխավոր ասամբլեայի պատվիրակները նման որոշում են կայացրել բաց ձևաչափով քվեարկությամբ: Քվեարկության է դրվել նաև ռուսաստանցիների և բելառուսների նկատմամբ բոլոր պատժամիջոցների չեղարկման հարցը, սակայն Գլխավոր ասամբլեայի պատվիրակները դեմ են արտահայտվել:
Հիշեցնենք, որ 2022 թվականից շախմատի Ռուսաստանի և Բելառուսի հավաքականները զրկված են խոշոր մրցաշարերի մասնակցելու իրավունքից: Այդ երկրների ներկայացուցիչները նաև չեն մասնակցում անհատական մրցաշարերի:
