Մադրիդի «Աթլետիկոյի» պորտուգալացի հարձակվող Ժոաու Ֆելիշը ձմեռային տրանսֆերային պատուհանի ժամանակ կարող է կարիերան շարունակել Անգլիայում:
22-ամյա ֆուտբոլիստը կարող է «Մանչեսթեր Յունայթեդում» փոխարինել իր հայրենակից Կրիշտիանու Ռոնալդուին, հաղորդում է The Sun-ը:
Հիշեցնենք, որ Լոնդոնի «Տոտենհեմի» դեմ 12-րդ տուրի խաղում Ռոնալդուն, խաղաժամանակ չստանալով, չէր սպասել մրցավարի եզրափակիչն սուլիչին ու 90-րդ րոպեին հեռացել էր պահեստայինների նստարանից:
Դրանից հետո մանչեսթերցիների հոլանդացի գլխավոր մարզիչ Էրիկ տեն Հագը 37-ամյա ֆուտբոլիստին չէր ընդգրկել Լոնդոնի «Չելսիի» դեմ Պրեմիեր լիգայի 13-րդ տուրի արտագնա հանդիպման հայտացուցակում, իսկ ակումբը տուգանել էր նրան:
Ավելի ուշ պորտուգալացի հարձակվողը գրառում էր կատարել սոցիալական ցանցերում և մեկնաբանել իր արարքի դրդապատճառները:
Ընթացիկ մրցաշրջանում 22-ամյա Ֆելիշը բոլոր մրցաշարերում մասնակցել է 12 խաղի, կատարել 3 գոլային փոխանցում: Ռոնալդուն 12 խաղում խփել է 2 գոլ, կատարել 1 ասիստ:
