«Մեծ սաղավարտի» մրցաշարերի 20-ակի չեմպիոն Ռոջեր Ֆեդերերն ամփոփել է իր վերջին մրցաշարի՝ Լեյվերի գավաթի արդյունքները:
«Բոլորս հեքիաթային վերջաբանի հույս ունենք, իսկ ես պարտվեցի կարիերայիս վերջին խաղերում, վերջին մրցաշարում, կորցրի ձայնս վերջին շաբաթներին, կորցրի աշխատանքս:
Այնուամենայնիվ, թոշակի գնալս չէր կարող ավելի լավ ձևով կատարվել, և ես գոհ եմ տեղի ունեցածից: Այնպես որ, մի մտածեք իդեալական ավարտի մասին, ամեն մեկի մոտ անհատական է»,- գրել է Ռոջեր Ֆեդերերը Թվիթերում:
Հիշեցնենք, որ Լեյվերի գավաթում 41-ամյա շվեյցարացին մարզական կարիերայի վերջին խաղն անցկացրեց: Ֆեդերերը զուգախաղում Ռաֆայել Նադալի հետ մրցեց ԱՄՆ-ի ներկայացուցիչներ Ֆրենսիս Տիաֆոյի ու Ջեկ Սոկայի հետ: Մրցախաղն ավարտվեց ամերիկացիների հաղթանակով:
