Fastex Պրեմիեր լիգայի չորրորդ տուրում «Արարատ-Արմենիան» Գյումրիում 1-0 հաշվով դժվարությամբ հաղթեց «Շիրակին»։

Մանուել Տուլիպայի գլխավորած թիմի հաղթական գոլն ավելացված 9-րդ րոպեին խփեց Արայիկ Էլոյանը։

Դարպասի գրավումից վայրկյաններ առաջ կարող էր հաղթանակ կորզել «Շիրակը», բայց Ռազմիկ Հակոբյանի` նպաստավոր դիրքից կատարած հարվածից հետո հյուրերին տպավորիչ սեյվով փրկեց դարպասապահ Բրունու Պինտուն։

«Արարատ-Արմենիան» առաջին հաղթանակը տարավ և 2 խաղից հետո 4 միավորով 6-րդ տեղում է։ «Շիրակը» 1 միավորով 10-րդն է։

Հանդիպումը «Ֆասթ Սպորտ»-ի ուղիղ եթերում էր։

Fastex Պրեմիեր լիգա, չորրորդ տուր

«Շիրակ» - «Արարատ-Արմենիա»` 0-1

Արայիկ Էլոյան, 90+9

Fastex Պրեմիեր լիգայի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):