Fastex Հայաստանի Պրեմիեր լիգայի 15-րդ տուրի մեկնարկային խաղում «Արարատ-Արմենիան» ընդունեց Չարենցավանի «Վանին» և առավելության հասավ 4-0 հաշվով։
Վարդան Բիչախչյանի գլխավորած թիմն առաջին խաղակեսում 2 գոլ խփեց 3 րոպեի ընթացքում։ Հաշիվը 17-րդ րոպեին բացեց նիգերիացի կիսապաշտպան Տենտոն Յենեն, քիչ անց աչքի ընկավ նաև պորտուգալացի հարձակվող Ռոբերտո Ֆիրմինոն։ Խաղի վերջնամասում Ֆիրմինոն դարձավ նաև դուբլի հեղինակ, իսկ վերջնական հաշիվը ձևակերպեց փոխարինման մտած Մաիլսոն Լիման։
«Արարատ-Արմենիան» տարավ չորրորդ անընդմեջ հաղթանակը, 31 միավորով բարձրացավ երկրորդ տեղ և 3 միավոր է զիջում առաջատար «Ուրարտուին»։ «Վանը» 17 միավորով 6-րդն է։
Fastex Հայաստանի Պրեմիեր լիգա, 15-րդ տուրի
«Արարատ-Արմենիա» - «Վան»՝ 4-0
Տենտոն Յենե, 17, Ռոբերտո Ֆիրմինո, 20, 87, Մաիլսոն Լիմա, 90+1
