Երևանի «Ուրարտուն» երկրորդ տարին անընդմեջ կխաղա Fastex Հայաստանի գավաթի խաղարկության եզրափակիչում:
Կիսաեզրափակիչում Fastex Հայաստանի Պրեմիեր լիգայի առաջատարը սեփական խաղադաշտում 4-0 հաշվով հաղթեց Առաջին խմբի ներկայացուցիչ Կապանի «Գանձասարին»։
Խաղի բոլոր գոլերը գրանցվեցին երկրորդ խաղակեսում։ Նախ աչքի ընկան Հայաստանի հավաքականի 25-ամյա պաշտպան Ժիրայր Մարգարյանը և ռուս հարձակվող Թեմուր Ջիկիան, այնուհետև դուբլի հեղինակ դարձավ փոխարինման դուրս եկած Արաս Օզբիլիսը։ 33-ամյա Օզբիլիսը նորամուտը նշեց «Ուրարտուի» կազմում:
Հանդիպման վերջնամասում խաղադաշտից հեռացվեց «Գանձասարի» կիսապաշտպան Սուրեն Առաքելյանը:
Եզրափակիչում Դմիտրի Գունկոյի թիմն ուժերը կչափի Գյումրիի «Շիրակի» հետ, որն ավելի վաղ հետխաղյա 11-մետրանոցներով առավելության էր հասել Երևանի «Փյունիկի» նկատմամբ (1-1, 11մ.՝ 5-3):
VNews-ի ֆոտոթղթակից Գրիգոր Գրիգորյանը պատրաստել է հանդիպման ֆոտոռեպորտաժը:
Հիշեցնենք, որ եզրափակիչում Գունկոյի թիմն ուժերը կչափի Գյումրիի «Շիրակի» հետ, որն ավելի վաղ հետխաղյա 11-մետրանոցներով առավելության էր հասել Երևանի «Փյունիկի» նկատմամբ (1-1, 11մ.՝ 5-3):
