Գյումրիի «Շիրակը» դարձավ Fastex Հայաստանի գավաթի խաղարկության կիսաեզրափակիչի առաջին մասնակիցը:
Քառորդ եզրափակիչում գյումրեցիները մեկխաղյա դիմակայությունում 2-0 հաշվով տնային հաղթանակ տարան Չարենցավանի «Վանի» նկատմամբ:
8-րդ րոպեին «Վանը» ստացավ 11-մետրանոց հարվածի հնարավորություն, սակայն նշակետից վրիպեց հարձակվող Էդգար Մովսեսյանը: Առաջին խաղակեսի վերջնամասում հանդիպման հաշիվը բացեց տանտերերի կոտդիվուարցի հարձակվող Ալասանա Դումբիան:
Երկրորդ խաղակեսի վերջնամասում՝ մրցավարի ավելացրած 6-րդ րոպեին, կարմիր քարտ ստացավ հյուրերի կիսապաշտպան Նարեկ Հովհաննիսյանը: Մեկ րոպե անց «Շիրակի» հարձակվող Արտեմ Գևորգյանը ձևակերպեց վերջնական հաշիվը՝ 2-0:
Հիշեցնենք, որ գյումրեցիները քառորդ եզրափակիչի ուղեգիր էին նվաճել՝ 5-1 հաշվով արտագնա հաղթանակ տանելով «Սյունիքի» նկատմամբ: «Վանը» 1/8 եզրափակիչում 3-1 հաշվով հաղթել էր թողել «Լեռնային Արցախին»:
Հայաստանի գործող գավաթակիրը «Նորավանքն» է, որն այս մրցաշրջանից առաջ դադարեցրել էր գործունեությունը:
Fastex Հայաստանի գավաթ, 1/4 եզրափակիչ
«Շիրակ» - «Վան»՝ 2-0
Ալասանա Դումբիա, 45+1, Արտեմ Գևորկյան, 90+7
Վրիպում 11-մետրանոցից՝ Էդգար Մովսեսյան, 8 («Վան»)
Հեռացում՝ Նարեկ Հովհաննիսյան, 90+6, («Վան»)
