Եվրոպայի մինչև 21 տարեկանների առաջնության որակավորման H խմբի վեցերորդ տուրում Հայաստանի Մ21 հավաքականը կհյուրընկալվի Ֆրանսիայի ընտրանուն։
ՀՖՖ պաշտոնական կայքի հաղորդմամբ՝ հանդիպումը կկայանա նոյեմբերի 11-ին Գրենոբլ քաղաքի «Ստադ դե Ալպս» մարզադաշտում, որը տեղավորում է 20068 հանդիսական։
ԵՎՐՈ Մ21-ի ընտրական մրցաշարում Հայաստանի հավաքականը H խմբում անցկացրած 5 խաղից հետո եզրափակում է մրցաշարային աղյուսակը վաստակած 3 միավորով: Ֆրանսիայի հավաքականը 4 խաղում վաստակած 10 միավորով միանձնյա առաջատարն է: Խմբում ընդգրկված են նաև Ուկրաինայի, Հյուսիսային Մակեդոնիայի, Ֆարերյան կղզիների ու Սերբիայի Մ21 հավաքականները:
