2032թ․ ֆուտբոլի Եվրոպայի առաջնության եզրափակիչ մրցաշարը կհյուրընկալեն Իտալիան ու Թուրքիան, հաղորդում է ինսայդեր Նիկոլո Սկիրան։

Իտալիայի ու Թուրքիայի համատեղ հայտը միակն է մնացել այն բանից հետո, երբ Ռուսաստանի հայտը չի ընդունվել։ ՈւԵՖԱ-ն իր որոշման մասին պաշտոնապես կհայտարարի հոկտեմբերի 10-ին Նիոնում կայանալիք խորհրդի նիստում։

Հիշեցնենք, որ Եվրոպայի հաջորդ առաջնությունը 2024 թվականին կկայանա Գերմանիայում, իսկ Եվրո-2028-ը կհյուրընկալեն Մեծ Բրիտանիան ու Իռլանդիան։