Ուկրաինայի հավաքականը Եվրո-2024-ի խմբային փուլի երկրորդ տուրում 2-1 հաշվով կամային հաղթանակի է հասել Սլովակիայի ազգային թիմի նկատմամբ:

Սա Գերմանիայում ընթացող Եվրոպայի առաջնությունում չորրորդ կամային հաղթանակն է: Խմբային փուլի առաջին տուրում կամային հաղթանակներ էին տարել նաև Իտալիան՝ Ալբանիայի դեմ խաղում (2-1), Նիդերլանդները՝ Լեհաստանի նկատմամբ (2-1) և Պորտուգալիան՝ Չեխիայի դեմ մրցավեճում (2-1):

Հիշեցնենք, որ Եվրո-2020-ի ամբողջ ընթացքում ևս չորս կամային հաղթանակ էր եղել: