Գերմանիայում շարունակվող ֆուտբոլի Եվրոպայի 17-րդ առաջնությունում հայտնի դարձան քառորդ եզրափակիչի բոլոր զույգերը։

Մրցաշարի այդ փուլը կմեկնարկի հուլիսի 5-ին։ Առաջին օրը կկայանա երկու սուպերդիմակայություն՝ Իսպանիա - Գերմանիա և Պորտուգալիա - Ֆրանսիա: Այս զույգերի հաղթողները կիսաեզրափակիչում մրցելու են իրար հետ:

Եվրո-2024, քառորդ եզրափակիչի ժամանակացույցը

Հուլիսի 5

Իսպանիա - Գերմանիա` 20:00 (Շտուտգարտ)

Պորտուգալիա - Ֆրանսիա` 23:00 (Համբուրգ)

Հուլիսի 6

Անգլիա - Շվեյցարիա` 20:00 (Դյուսելդորֆ)

Նիդերլանդներ - Թուրքիա` 23:00 (Բեռլին)

Հիշեցնենք, որ Եվրոպայի գործող չեմպիոնն Իտալիայի հավաքականն է, որը 1/8 եզրափակիչում չկարողացավ հաղթահարել շվեյցարացիների արգելքը: