Նիդերլանդների ազգային հավաքականը կամային հաղթանակով մեկնարկեց ֆուտբոլի Եվրոպայի 17-րդ առաջնությունում։

D խմբի առաջին խաղում Ռոնալդ Կումանի գլխավորած թիմը դժվարությամբ կոտրեց Լեհաստանի հավաքականի դիմադրությունը և առավելության հասավ 2-1 հաշվով։

Առաջին խաղակեսից հետո լուսատախտակին վառվում էր 1-1 հաշիվը։ Լեհաստանի հավաքականին 16-րդ րոպեին առաջ մղեց թուրքական «Անթալիասպորի» ֆուտբոլիստ Ադամ Բուկսաին, իսկ նիդերլանդցիներից 29-րդ րոպեին աչքի ընկավ «Լիվերպուլի» հարձակվող Կոդի Գակպոն` եզրափակելով «Մանչեսթեր Սիթիի» պաշտպան Նաթան Ակեի փոխանցումը։ Գակպոն Ալվարո Մորատայից (Իսպանիա) ու Կրիշտիանու Ռոնալդուից (Պորտուգալիա) ցուցանիշը հետո 21-րդ դարում երրորդ ֆուտբոլիստմ է, որը մեծ մրցաշարերի խմբային փուլերում գոլ է խփում չորրորդ խաղում անընդմեջ խաղում։ 

Երկրորդ խաղակեսն ընթանում էր փոխնիփոխ գրոհների ներքո և գործի մեջ հիմնականում տեսնում էինք երկու դարպասապահներին` Բարթ Վերբրյուգենին (Նիդերլանդներ) և Վոյցեխ Շչեսնիին (Լեհաստան)։

Թվում էր` կողմերը կբաժանվեն խաղաղությամբ, սակայն 83-րդ րոպեին Ռոնալդ Կումանի գլխավորած հավաքականին հաղթանակ պարգևեց փոխարինման դուրս եկած գերմանական «Հոֆենհայմի» հարձակվող Վաութ Վեգորսթը։

Այս խմբի մյուս խաղում հունիսի 17-ին Ֆրանսիայի հավաքականը մրցելու է Ավստրիայի դեմ։ Հանդիպումը Երևանի ժամանակով մեկնարկելու է 23:00-ին։

Եվրո-2024, խմբային փուլ, առաջին տուր

D խումբ

Լեհաստան - Նիդերլանդներ` 1-2 (տեսանյութ)

Ադամ Բուկսա, 16 - Կոդի Գակպո, 29, Վաութ Վեգորսթ, 83

Եվրո-2024. Բոլորը Մբապեի ու Ֆրանսիայի դեմ են մի խմբում, որտեղ թույլ թիմեր չկան