Ֆուտբոլի 2024թ․ Եվրոպայի առաջնության որակավորման մրցաշարում հոկտեմբերի 13-ին տեղի ունեցան 7-րդ տուրի խաղերը B, F ու J խմբերում։ Ֆրանսիայի, Պորտուգալիայի ու Բելգիայի հավաքականները ժամկետից շուտ նվաճեցին Եվրո-2024-ի ուղեգիր։

Օրվա կենտրոնական խաղում Ֆրանսիայի հավաքականը 2-1 հաշվով արտագնա հաղթանակ տարավ Նիդերլանդների նկատմամբ: Ամստերդամում դուբլի հեղինակ դարձավ Փարիզի ՊՍԺ-ի հարձակվող Կիլիան Մբապեն։ Դիդյե Դեշամի գլխավորած թիմը վաստակեց 18 միավոր և նվաճել Եվրո-2024-ի ուղեգիր:

B խմբի մյուս խաղում Հունաստանի հավաքականը Դուբլինում 2-0 հաշվով հաղթեց Իռլանդիային և 12 միավորով բարձրացավ երկրորդ տեղ։ Նիդերլանդների հավաքականն ունի 9 միավոր և երրորդն է։

F խմբում ընդգրկված Պորտուգալիայի հավաքականը Կրիշտիանու Ռոնալդուի դուբլի օգնությամբ 3-2 հաշվով տնային հաղթանակ տարավ Սլովակիայի նկատմամբ և նույնպես ապահովեց եզրափակիչ փուլի ուղեգիր։ Պորտուգալացիները տարան 7-րդ անընդմեջ հաղթանակը և բաց թողեցին առաջին գոլն ընտրական փուլում։ Սլովակիան 13 միավորով երկրորդն է խմբում։

Բելգիայի հավաքականն էլ J խմբում հյուրընկալվելիս 3-2 հաշվով հաղթեց Ավստրիային՝ նույնպես նվաճելով եզրափակիչ մրցաշարի ուղեգիրը: 

Եվրո-2024, ընտրական փուլ, 7-րդ տուր

B  խումբ

Նիդերլանդներ – Ֆրանսիա ՝ 1-2 (տեսանյութ)

Կվիլինդսի Հարտման, 84 – Կիլիան Մբապե, 7, 53

Իռլանդիա – Հունաստան` 0-2 (տեսանյութ)

Գիորգիոս Գիակումակիս,20, Գիորգիոս Մասուրաս, 45

F խումբ

Պորտուգալիա – Սլովակիա` 3-2 (տեսանյութ)

Գոնսալու Ռամուշ, 18, Կրիշտիանու Ռոնալդու, 29, 72 – Դավիդ Հանկո, 69, Սեբաստիան Լոբոտկա, 80

Իսլանդիա – Լյուքսեմբուրգ՝ 1-1

Օրի Օսկարսոն, 23 – Ժերսոն Ռոդրիգես, 46

Լիխտենշտեյն – Բոսնիա և Հերցեգովինա՝ 0-2 (տեսանյութ)

Ամար Ռահմանովիչ, 13 – Միրոսլավ Ստեվանովիչ, 41

J խումբ

Ավստրիա – Բելգիա՝ 2-3 (տեսանյութ)

Կոնրադ Լայմեր, 73, Մարսել Զաբիցեր, 84, Դոդի Լուկեբակիո, 12, 55, Ռոմելու Լուկակու, 58