Վազորդ Երվանդ Մկրտչյանը ոսկե մեդալ է նվաճել Ստամբուլում ընթացող Բալկանյան երկրների ձմեռային առաջնությունում, հայտնում է ԿԳՄՍ նախարարության մամուլի ծառայությունը:
Գյումրեցի մարզիկը լավագույն արդյունքն է գրանցել 1500 մետր մրցատարածությունում՝ գերազանցելով երկու թուրք մրցակիցներին, որոնք զբաղեցրել են երկրորդ և երրորդ տեղերը:
Աթլետիկայի Հայաստանի հավաքականը մրցավայր է մեկնել Գրիգոր Բարսեղյանի և Արսեն Պետրոսյանի գլխավորությամբ: Հավաքականի կազմում ընդգրկված են նաև եռացատկորդներ Լևոն Աղասյանն ու Գոռ Հովակիմյանը, վազորդներ Ռոման Ալեքսանյանը, Էլլադա Ալավերդյանը, Գայանե Չիլոյանը, հեռացատկորդներ Յանա Սարգսյանը և Գոռ Բեգլարյանը:
Ֆոտո՝ ԿԳՄՍ նախարարության մամուլի ծառայություն
