Տրիատլոնի Ռուսաստանի հավաքականի գլխավոր մարզիչ Իգոր Սիսոևը դժբախտ պատահարի հետևանքով մահացել է:
Մայիսի 12-ին Երևանի ժամանակով 11:30-ի սահմաններում, 43-ամյա Սիսոևը Ստարոտիտարովսկայում մեքենայով դուրս է եկել ճանապարհի հանդիպակաց գոտի և բախվել բեռնատարի:
Սիսոևը մինչև շտապօգնության ժամանելը ստացած ծանր վնասվածքներից մահացել է։ Նրա 22-ամյա ուղևորը տարբեր աստիճանի վնասվածքներով հոսպիտալացվել է։
Սիսոևը 2004 թվականի Աթենքի և 2008 թվականի Պեկինի Օլիմպիական խաղերի մասնակից է (տրիատլոնում): Նա 2005 թվականին դարձել է տրիատլոնի Ռուսաստանի չեմպիոն, 2007 թվականին հաղթել է Եվրոպայի գավաթի խաղարկությունում:
Սիսոևը 2017 թվականից էր գլխավորում տրիատլոնի Ռուսաստանի հավաքականը:
