Ռուսական «Կրասնոդարի» երկրպագուները երկրորդ մրցաշրջանն անընդմեջ Էդուարդ Սպերցյանին ճանաչել են թիմի լավագույն ֆուտբոլիստ, հայտնում է ակումբի մամուլի ծառայությունը:
Քվեարկության արդյունքում Հայաստանի ազգային հավաքականի 23-ամյա կիսապաշտպանը ստացել է ձայների 48,78 տոկոսը: Երկրորդ տեղը զբաղեցրել է կոլումբիացի ռմբարկու Ջոն Կորդոբան (19 տոկոս): Լավագույն եռյակը եզրափակել է ռուս դարպասապահ Մատվեյ Սաֆոնովը:
Հիշեցնենք, որ 2022թ․ Հայաստանի լավագույն ֆուտբոլիստը «Կրասնոդարի» կազմում ավարտված մրցաշրջանում անցկացրած 41 խաղում դարձել էր 14 գոլի և նույնքան գոլային փոխանցման հեղինակ: Նրա ծառայություններով լրջորեն հետաքրքրված են իտալական ու գերմանական ակումբներ, սակայն գլխավոր հավակնորդն Ամստերդամի «Այաքսն է»:
Transfermarkt-ը հայ կիսապաշտպանի տրանսֆերային արժեքը գնահատում է 12 միլիոն եվրո: Ավելի վաղ Էդուարդ Սպերցյանը 12 գոլային փոխանցմամբ ճանաչվել էր Ռուսաստանի ավարտված առաջնության լավագույն ասիստենտ ու լավագույն կիսապաշտպան: Նա նաև ՌՊԼ-ի մրցաշրջանի խորհրդանշական հավաքականում էր ընդգրկվել երկրպագուների ու Transfermarkt-ի վարկածով։
Лучшим игроком сезона в составе «Краснодара» стал Эдуард Сперцян 👏 Ему отдана половина голосов болельщиков, принявших участие в опросе на официальном сайте клуба 🙌
— FCKrasnodar (@FCKrasnodar) June 25, 2023
Всего же в тройке два выпускника нашей Академии и лучший бомбардир команды 👇https://t.co/6WoYBAYbaK
