Հունահռոմեական ոճի ըմբշամարտի Հայաստանի երիտասարդական հավաքականի ըմբիշները 6 մեդալ են նվաճել Սուրակատ Ասիատիլովի անվան միջազգային մրցաշարում, հայտնում է Հայաստանի ըմբշամարտի ֆեդերացիան:

Արմեն Սուքիասյանը (60 կգ) և Արամայիս Հարությունյանը (130 կգ) դարձել են մրցաշարի հաղթող, Արմեն Գևորգյանը (55 կգ), Աշոտ Մանուկյանը (63 կգ), Գասպար Տերտերյանը (67 կգ) և Արշակ Գեղամյանը (97 կգ) նվաճել են բրոնզե մեդալ:

Մրցաշարին մասնակցել են նաև Ռուսաստանի, Բելառուսի, Ադրբեջանի, Ղազախստանի և Ղրղզստանի երիտասարդ ըմբիշները:

Ֆոտո՝ ՀԸՖ