Անգլիական «Մանչեսթեր Յունայթեդի» գլխավոր մարզիչ Էրիկ տեն Հագը սկսում է կորցնել հանդերձարանի հսկողությունը, հայտնում է Daily Mail-ը:
Որոշ ֆուտբոլիստներ այլևս լուրջ չեն ընդունում հոլանդացի մասնագետին և միտումնավոր չեն կատարում նրա ցուցումները: 54-ամյա մարզչի հեղինակությունը վտանգի տակ է, սակայն ակումբի ղեկավարությունը որոշում է կայացրել վստահել նրան նաև գալիք մրցաշրջանում:
Հիշեցնենք, որ «Մանչեսթեր Յունայթեդն» Անգլիայի Պրեմիեր լիգայում 36 տուրից հետո վաստակել է 54 միավոր և 8-րդ տեղում է: Անգլիայի 20-ակի չեմպիոնն ընթացիկ առաջնությունում կրել է 13 պարտություն։ Պատմության մեջ «Մանչեսթեր Յունայթեդը» նման անհաջող շարք երբեք չէր ունեցել Պրեմիեր լիգայում։
Մանկունյացիները դուրս են եկել նաև Անգլիայի գավաթի խաղարկության եզրափակիչ, որտեղ կմրցեն «Մանչեսթեր Սիթիի» հետ:
