Անգլիական «Մանչեսթեր Յունայթեդի» գլխավոր մարզիչ Էրիկ տեն Հագը կարող է վերադառնալ Ամստերդամի «Այաքս», հայտնում է TalkSport-ը:

54-ամյա նիդերլանդցին հայտնվել է «Այաքսի» տեխնիկական տնօրեն Ալեքս Կրուսի կազմած կարճ ցուցակում, որում տեղ գտած մասնագետները դիտարկվում են նիդերլանդական թիմի գլխավոր մարզիչի պաշտոնում:

Տեն Հագը 2017-2022 թվականներին էր գլխավորել «Այաքսը», որտեղից էլ տեղափոխվել էր «Մանչեսթեր Յունայթեդ»:

Էրեդիվիզիայի 31-րդ տուրից հետո «Այաքսը» 49 միավորով զբաղեցնում է 5-րդ տեղը: Թիմի գլխավոր մարզիչի պաշտոնակատարն է Ջոն վանտ Շիպը։